கந்தர்வன் நீ

காதலன் என்றறியப்பட்ட
கந்தர்வன் நீ

தனிமையின் கோட்பாடுகளை
எளிமையாக்க வந்தவன்

முத்தங்களால் நிரப்பி
முக மலர்ச்சியால் இதயத்தை பரப்பினாய்

கொஞ்சும் காமமும்
அதிகமான காதலும் பருகத் தந்தாய்

வா
நீரும் அத்துவான தனிமையும்
நிரந்தரமாய் இருக்கும் காடொன்றில்
கூடமைப்போம் நமக்காக

மின்மினிகளை சிநேகமாக்கி
கூட்டிற்கு விளக்கு வைப்போம்

அங்கே
இரவின் ஆட்சியில் விசிறிச் செல்லும்
வெளிச்சத்தில் உயிர் சக்தியின் மையத்தை
உணர்ந்து பார்க்கலாம்

காதலின் உன்னத பேருண்மைகளில்
கரைந்து மறுரூபமாகவென
கந்தர்வ காதல் செய்யலாம்

03 May 2015

# புராதானம்